កាលពីថ្ងៃទី២៦ ខែមករា ដល់ថ្ងៃទី២៥ ខែកុម្ភៈ ឆ្នាំ២០២០ ក្រុមការងារពិនិត្យអប់រំផ្សព្វផ្សាយប្រជាពលរដ្ឋតំបន់ព្រៃសម្រាប់ដោះលែងសត្វព្រៃក្នុងតំបន់បម្រុងទុកនៃដីសម្បទានសេដ្ឋកិច្ចរបស់ក្រុមហ៊ុន Green Island Agriculture Development (Cambodia) Co., Ltd បានសហការជាមួយផ្នែករដ្ឋបាលព្រៃឈើរដ្ឋបាលមូលដ្ឋានចុះទៅកាន់ឃុំក្បាលដំរី ស្រុកសំបូរ ខេត្តក្រចេះដើម្បីពិនិត្យអប់រំផ្សព្វផ្សាយប្រជាពលរដ្ឋតំបន់ព្រៃសម្រាប់ដោះលែងសត្វព្រៃក្នុងតំបន់បម្រុងទុកនៃដីសម្បទានសេដ្ឋកិច្ចរបស់ក្រុមហ៊ុន Green Island Agriculture Development (Cambodia) Co., Ltd។
ក្រុមការងារចុះជួបលោកមេឃុំក្បាលដំរី មេភូមិពាក់ព័ន្ធ និងប្រជាពលរដ្ឋអ្នកចូលប្រមូលអនុផលព្រៃឈើក្នុងព្រៃ ដើម្បីជម្រាបពីគោលបំណងនៃការអភិរក្សព្រៃឈើ និងសត្វព្រៃ សិទ្ធិក្នុងការចូលប្រមូលអនុផលព្រៃឈើសម្រាប់ប្រើប្រាស់ជាលក្ខណៈប្រពៃណី ហាមការលួចចូលកាប់ឈើដោយគ្មានការអនុញ្ញាត ការបង្កភ្លើងឆេះព្រៃជាដើម។
ក្រៅពីនេះ ក្រុមការបានចុះពិនិត្យស្ថានភាពក្នុងព្រៃ ប្រទះឃើញអន្ទាក់សត្វសត្វព្រៃ ហើយដោះបានចំនួន ១០៣ខ្សែ។
