នាព្រឹកថ្ងៃសុក្រ១៣កើត ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៦ ខែមីនា ឆ្នាំ២០២០ រដ្ឋបាលព្រៃឈើបានប្រារព្ធពិធីមិទ្ទិញអបអរសាទរទិវាអន្ដរជាតិនារី ៨មីនាខួបទី១០៩ ឆ្នាំ២០២០ ក្រោមប្រធានបទ “មានសន្ដិភាព មានការលើកកម្ពស់សមភាពយេនឌ័រ” ។ កម្មវិធីនេះបានប្រព្រឹត្តទៅក្រោមអធិបតីភាព ឯកឧត្ដមបណ្ឌិត កែវ អូម៉ាលីស្ស ប្រតិភូរាជរដ្ឋាភិបាលកម្ពុជាទទួលបន្ទុកជាប្រធានរដ្ឋបាលព្រៃឈើ និងលោកជំទាវ ព្រមទាំងថ្នាក់ដឹកនាំ និងមន្ត្រីរដ្ឋបាលព្រៃឈើ សរុបចំនួន១២០ នាក់។
